"Ade, jang keluar rumah, nanti nene Luhu ambel ade, barang diluar ada ujang panas seng boleh barmaeng ee"...
Tamang-tamang inga seng kalimat itu sering katong dengar dari katong pung orang tua-tua waktu kacil kalau siang hari terus pas ujang panas, dong bilang seng boleh pi barmaeng nanti katong dapa ambel dari nene Luhu. Waktu kacil-kacil katong su paleng takut kalau mama atau katong pung papa su bicara nene Luhu to? Batul kaseng tamang? Be inga waktu dulu itu mama sering bilang bagitu, kasih takut be deng carita nene Luhu.
Tapi tamang tamang sebenarnya tau seng sapa itu nene Luhu???
Akang pung caraita sebenarnya itu kaya apalah???
Jadi, dolo itu pas masih jaman Balanda ada satu kampung yang akang pung nama Kampung Luhu (Tamang tamang masih tau to, lagian kampung itu sampe skarang jua masih ada, akang di daerah Seram). Di Luhu itu dong pung Cengkeh paleng banya.
Nah Negeri Luhu ini dong pung bapa Raja nama Raja Gimelaha Luhu Tuban atau orang-orang panggilnya dengan nama Raja Luhu saja. Raja Luhu ini antua pung satu anak perempuan yang bernama Ta Ina Luhu. Tamang-tamang su tau to kalo Ta Ina itu artinya anak perempuan, jadi Ta Ina Luhu itu artinya anak perempuan dari negeri Luhu. Konon katanya Ta Ina Luhu ini dia paling cantik jelita, sopan, rajin sombayang, paling patuh par dia pung orangtua, dan sayang par dia pung keluarga. Ta Ina Luhu ini punya dua orang anak laki-laki yaitu Sabadin Luhu dan Kasim Luhu.
Kabar tentang kekeyaan Negeri Luhu ini akang tabawa sampe dapa cium dari orang-orang Blanda yang tinggal di Ambon, Dong mau merebut dan menguasai negeri Luhu deng akang pung kekayaan. Jadi dong datang ke Luhu. Antara Blanda deng masyarakat Luhu yang tetap mempertahankan dong pung Kampung akhirnya terjadi peperangan yang dulu akang terkenal deng nama Perang Huamual. Dari perang itu, Semua rakyat negeri Luhu tewas, cuma Ta Ina Luhu saja yang hidup. Akhirnya Ta Ina Luhu dibawa ke Ambon untuk dikawinkan dengan panglima Belanda di Ambon.
Sampe di benteng Victoria Ambon, Ta Ina Luhu ini seng mau jadi Panglima Blanda pung istri, akhirnya ta Ina Luihu diperkosa. Karena Ta Ini Luhu seng mau diperlakukan senonoh terus menerus jadi Ta Ina Luhu cari cari jalan biar bisa kluar dari benteng.
Satu malam Ta Ina Luhu berhasil kabur dari Benteng Victoria dengan mengelabui pengawal-pengawal Blanda. Ta Ina Luhu Lari ke satu Desa yaitu Desa Soya. Disana Raja Soya trima Ta Ina Luhu dengan baik. Ta Ina Luhu dianggap sebagai keluarga Raja Soya. Ta Ina Luhu dapa kasih kamar yang bagus, makanan, pakaian. Ta Ina Luhu samape terharu, Ta Ini Luhu jadi inga Ta Ina Luhu pung keluarga yang su meninggal, Bapa Raja, Ibu Raja, Kasim dan Sabadin. Akhirnya Ta Ina Luhu berdoa par dorang 'Ina, Ama, adik2, beta paleng rindu dorang, beta cuma bisa berdoa semoga dorang tenang disana.
Subeberapa bulan tinggal; didalam istana Soya, ternyata Ta Ina Luhu hamil. Keadaan ini biking Ta Ina Luhu jadi serba salah untuk tinggal di istana. Ta Ina Luhu takut bikin repot Keluarga Istana. Akhirnya Ta Ina Luhu kasihtinggal istana Soya. TA Ina Luhu berdoa 'Oh Tuhan beta su seng ada keluarga didunia ini lay, tapi beta seng bisa tinggal disini karena hanya merepotkan keluarga istana, beta harus pergi dari sini, berilah beta petunjukMU'.
Pada satu malam, pas istana sudah sunyi, Ta Ina Luhu bajalang pelan pelan menuju pintu belakang istana. Rupanya Ta Ina Luhu ini su betul betul mau pi dari istana. Pas di belakang istana, ta Ina Luhu lihat ada seekor Kuda Putih yang dapa ika dari pohon di belakang Istana. Lalu, ta Ina Luhu Naik kuda itu yang biasanya dipakai Bapa Raja Soya Kalau mau pi bertemu deng Gubernur Maluku. ta Ina Luhu naik ke atas punggung uda dengan hati-hati. sebelum pi ta Ina Luhu bilang dalam hati "Maafkan beta Bapa Raja, maafkan beta samu keluarga raja, dorang su paleng baik par beta, tapi beta harus pergi, beta seng mau merepotkan dorang semua, relakan beta dan jangan cari beta lay".
